İlham Əliyev və Mehriban Əliyeva Moskvanın və Bütün Rusiyanın Patriarxına başsağlığı verib

Günün Ən Son Xəbərləri 2021-06-22 03:46:41
İlham Əliyev və Mehriban Əliyeva Moskvanın və Bütün Rusiyanın Patriarxına başsağlığı verib

Azərbaycan Prezidenti İlham Əliyev və birinci xanım Mehriban Əliyeva Moskvanın və Bütün Rusiyanın Patriarxı Kirillə başsağlığı məktubu ünvanlayıb.

"Report"un məlumatına görə, mətndə deyilir:

"Zati-müqəddəsləri,

Bakı və Azərbaycan Yeparxiyasının arxiyepiskopu Aleksandrın vəfatı barədə xəbər bizi dərindən kədərləndirdi.

Arxiyepiskop Aleksandrın fədakar əməyi, parlaq vaizlik istedadı, Azərbaycan–Rusiya dostluğunun, konfessiyalararası həmrəyliyin və tolerantlığın möhkəmləndirilməsinə böyük şəxsi töhfəsi ona haqlı olaraq müxtəlif millətlərin və dini etiqadların nümayəndələri arasında dərin hörmət qazandırmışdır. Onun xatirəsi qəlbimizdə daim yaşayacaq.

Zati-müqəddəsləri, bu kədərli anlarda ağır itki ilə əlaqədar dərin hüznlə başsağlığımızı qəbul edin".


Əlavə Edilib: 11 ?yun , 2021,13:11 • Oxunub: 0

Sosial Şəbəkələrdə Paylaş