Fərid Mansurov: "Təşkilatçıların olimpiadanı yoluxmaya görə ləğv etmək hüququ var"

Günün Ən Son Xəbərləri 2021-07-25 14:09:37
Fərid Mansurov:

"Tokio-2020 Yay Olimpiya Oyunlarının ləğvi Təşkilat Komitəsinin verə biləcəyi qərardır".

"Report"un məlumatına görə, bunu Tokio-2020-də Azərbaycan yığmasının şef de-missionu Fərid Mansurov deyib.

O bildirib ki, koronavirusa yoluxma artacağı təqdirdə Təşkilat Komitəsinin belə qərar vermək hüququ var: "Hələ ki, oyunların təxirə salınması ilə bağlı rəsmi olaraq bizə heç nə deyilməyib. Olimpiya kəndində həyat gündəlik normasında davam edir. Azərbaycanın olimpiya komandasının üzvləri məşqlərini davam etdirir və yarışa hazırlaşırlar. Komandamızın əhvalı və sağlamlıq durumu qənaətbəxşdir".

Qeyd edək ki, Tokio-2020 Yay Olimpiya Oyunlarının açılış mərasimi iyulun 23-də olacaq. Olimpiadaya avqustun 8-də yekun vurulacaq.


Əlavə Edilib: 21 ?yul , 2021,11:01 • Oxunub: 1

Sosial Şəbəkələrdə Paylaş